星空奇遇（Star Trek-1966）
40 篇文章 • 第 3 頁 (共 3 頁) • 1, 2, 3
Re: 星空奇遇（Star Trek-1966）
收藏就是收藏了! 好利害阿! Star Trek自己細個唔係集集有得睇, 可睇完一集都好難得, 所以鍾意佢, 有些係"情意結"之感覺! 有時又覺得某些劇情與風格, 自己其實唔係太喜歡, 因為某些劇情, 太著重理論分析與邏輯, "文場戲"太重(但整體來講也是喜愛的!) 大家有冇同感? 
Re: 星空奇遇（Star Trek-1966）
我相信同大家一樣, 徐左開場白之外, 最有印象的, 就係集集開頭同結尾, 都係講: 太空日記乜乜乜乜, 離開左某某行星之後, 我地又向著某某地區進發....之類, 用來帶起及總結劇情, 唔知重有冇人記得成句點講? 
Re: 星空奇遇（Star Trek-1966）
做細路睇戲都冇乜特別要求喇，求其得意奇趣就店，我哋以前做小朋友「要求低又純品」好多架嘛
 ！！對白的確是多了點(又唔明  )，其實當年真不清楚嗰故仔講乜，見有個「尖耳科學家」行來行去， 葛克隊長又經常會同敵人或怪物打吓交， 又同 D 靚女外星人談情 ，D 人又會 teleport、 beam 來 beam去，嘩，D 女隊員著住 D 超勁短迷你裙呵  ！！咁咪覺好睇囉 ！！「太空日誌 XXXXX … 」我覺得喺開場和中段出現較多，臨尾佢多數玩遠鏡淡出或者星空三雄係度齊齊講笑 (而家我哋叫 「爛gag」囉 ) ！！
Re: 星空奇遇（Star Trek-1966）
仲有嗰 d 女隊員,全部都係著超級迷你裙.
Re: 星空奇遇（Star Trek-1966）
--可惜她們沒有起飛腳(像{鐵金剛}那個女隊員)!
Re: 星空奇遇（Star Trek-1966）
Tangkennis兄 記得當年在下收看此片集 (星空奇遇) 的時候, 聽到開場旁白的聲音(盧國雄)就覺得奇怪, 點解把聲會係麗的電視出現, 所以開場內容並無印像, 好奇之下只收睇半集, (因為太悶). 致於陳曙光先生, 在70年代麗的電視配音在下頗有印像, 片集角飾包恬有….. 1) (日名) バビル2世, 山野浩一（バビル2世） 港譯 : 沙漠神童, 古浩明 (巴別2世) 2) (日名) 熱血猿飛佐助, 桜木健一 / 猿飛佐助 港譯 : 片集名稱忙記了, 桜木健一 / 白雲齊 而張生先生, 曾在 (日名) スペクトルマン (港譯) 天外怪魔 分別為 宇宙猿人ゴリ(高利), 星體ネビュラ(利維拉)配上聲音. 另外一提以上兩位早在后期的粵語長片, 己經有他們的配音工作. 對於在下未能為星空奇遇添上新知料. 還希望 Tangkennis兄見諒.
Re: 星空奇遇（Star Trek-1966）
熱血猿飛佐助(Japan1972), 港譯"武林小英雄"! -DdD-兄可在"日劇資料區"為大家加入資料! 多多益善, 少少唔拘!
Re: 星空奇遇（Star Trek-1966）
DdD 君太客氣了。網上交流，如大家能做到集思而後廣益，誠快事也  ！我記得麗的電視的配音劇集，男主角把聲多數係「葛克隊長」陳曙光 ！就記得嘅有1. 《歡嘉冤家》 Bewitched 的「達令」！ 2. 《柔道小金剛》 的繆志豪！ 3. 《火石卡通》 裏面董輝嗰老友班尼！！
Re: 星空奇遇（Star Trek-1966）
小弟亦曾在別個網站討論過 《星空奇遇記》，寫下不少劣文，當時因應避免錯亂碼而都將它寫在word doc 以作留底。小弟不揣「賴衣乎」亦不避「閃蒲」 ...
係度貼一篇，其曰 《星空奇遇記流行之成因》！還請各位版友不吝指教。
Re: 星空奇遇（Star Trek-1966）
眾所周知，Star Trek 原創人係 Gene Roddenberry。由佢帶出的Star Trek : The Original Series (TOS : ‘66~’69) 能夠成為時尚潮流，風行美國本土 (其後乃及至其它的地區) 而歷久不衰，根據主流看法，不出以下兩個原因：-
(小弟未有本事看盡所有有關 TOS 的回憶錄或紀錄片  ，但就所看過的，都離不開此二種說法 )﹝一﹞ 最最最最最最主要的原因就係得到重播重播又重播的機會 !! ‘69年 TOS 播完第三季就正式拜拜，要等到十年後的ST:The Motion Picture先至再見! 咁係嗰陣時 TOS 播完後，隨即在美國加拿大某些少數地區電視網絡重播，當然係用作填充非黃金時段喇﹝就好似當年香港在兩大電視臺重播粵語「殘」片一樣 !!)，但係點知收視頗佳，於是乎重播之後又重播，之後又再重重播 ... 娛樂圈係跟紅頂白的是非之地，其它電視網絡商見到呢套 TOS 重播都甘店，於是乎紛紛加入重播 TOS 呢個行列，一傳十 ，十傳百，就甘過左冇幾耐，在美國全國電視網絡的任何一個時段，都會見到 79 集 TOS 的出現，直頭係 …電視至尊，星空奇遇，號令天下，莫敢不從；「冒險」一出，誰與爭鋒 !!閣下可能會問，要呢套 TOS 好睇，重播先至有人睇架麻！唉 ... 好吾好睇而家野係好主觀嘅，正如小弟以前講過，同一套戲，有人認為係「垃圾」，亦有人會認為係「至愛」... 涉及主觀判斷，永遠沒有定論 !! 但係有一樣可以肯定，能夠獨領風騷，成為一時時尚，一定要天時、地利、人和的配合，缺一不可也！有論者認為，TOS 只能夠做到三季就摺埋，係上天的「恩賜」 Grace of God !! 皆因制作進入第三季時，由於財政極度緊縮，影響劇本、演員、佈景和制作等等的質素，加上放在星期五晚上十點鐘的「非合家歡」時段播出，收視奇劣，加速其終結。平情而論，第三季的 TOS 不能說沒有拍得好睇的，但係拍得差的亦有吾少，假若當時的派拉蒙 (Paramount) 批準它第四、五季就咁樣拍落去，一套原來係好的劇集就會逐漸變為劣品，亦逐漸為觀眾唾棄以至在眾人腦海中湮沒，「星空奇遇」恐怕只不過係一個電視歷史上曾經出現的過客，並不能成就為一代文化符號矣!! 現時 TOS 以比較完整及質素較好的一面展現在觀眾眼前，此乃天意也 !另外一方面， 在 TOS 首播時仲係豆靚細路嗰一班，在重播時加入觀眾行列而成為「粉絲」，又係不斷的重播又重播之中，又不斷有新的新力軍加入，如是者，一股強大的觀眾群體已然廣泛分佈美國社會每一個角落，為之 trekkies 一族也!! 歸根究底，星空奇遇記本身有何吸引力可以造就如此熱潮呢 ??  ﹝二﹞1969年的登月創舉 1969年的登月創舉，為美國(甚至全世界)人民帶來夢想，認為「衝出太陽系，奔向全宇宙」係指日可待的事。於是乎，星空奇遇記本身的「未來二十三世紀的太空飛船歷險故事」，配合當其時發生的登月探險，由此帶領人類 「夢想走出地球，繼之衝出太陽系，再而面向整個宇宙」！！掀動每一個人「一人有一個太空夢想」!! ... 甘究竟未來的世界究竟會係點樣嘅呢？星空奇遇記提供的係一個「極端完美」的未來世界 (bold optimism)，呢個同 Gene 本身的理念，係完美樂觀主義者有莫大關係。英文乃寫為 There will be a future, and it will be wonderful !!!!!!!!! 我們將會有未來，而且仲係好正!!!!!!!!!! 這個便成為熱潮成形的第一因，吸引無數人成為 Trekkies 了 .. 祝各位 Live long and prosper ！！ 
40 篇文章 • 第 3 頁 (共 3 頁) • 1, 2, 3
誰在線上正在瀏覽這個版面的使用者: 沒有註冊會員 和 0 位訪客 |
